|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ресейдің Nordwind Airlines әуе компаниясына тиесілі Boeing-777 ұшағы бүгін Ақтөбе халықаралық әуежайына шұғыл қонуға мәжбүр болды, - деп хабарлайды Dauletten.kz.
Бұл рейс Екатеринбург – Сочи бағыты бойынша орындалған.
Flightradar24 мәліметінше, ұшақ Қазақстан әуе кеңістігінен өтіп бара жатқанда, Мұқыр ауылының үстінен бағытын өзгертіп, апаттық белгі берген. Сағат 12:40-та әуе кемесі жерге сәтті қонды.
Белгілі болғандай, бортта 564 жолаушы болған. Қонудың басты себебі – борттағы бір жолаушының жағдайының күрт нашарлауы. Жерге қонған бойда жедел медициналық қызмет пен әуежайдың апаттық бригадасы ұшаққа шұғыл жіберілген.
Өкінішке қарай 1983 жылы туған жолаушы әйел ұшақ қонбай жатып көз жұмған. Бұл ақпаратты Ақтөбе әуежайының ресми өкілі растады, алайда басқа деректер жария етілген жоқ. Қазіргі уақытта өзге жолаушылар ұшақ ішінде қалуда.
