Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Атырауда халықты элит санатындағы тұрғын үйді арзан бағада алып беремін деп алдаған алаяқ ұсталды. 20-дан астам адам Айбарша есімді әйелге 5-20 млн теңге аралығында ақша берген. Нәтижесінде, 185 млн теңге шығын анықталды. Алданған тұрғындар облыстық прокуратура ғимаратының алдына жиналды, олар қылмыстық іс дұрыс жүргізілмегенін мәлімдеді.
Кей азаматтар қымбат пәтерлерді нарықтық бағадан төмен бағада алу үшін өз пәтерлерін сатқан. Айбарша есімді әйел ақшаны алғанымен, түрлі себептермен келісімді кейінге қалдырып келген.
Тергеу амалдары 9 айдан бері жүргізіліп келеді. Алданғандар бұл тым ұзақ уақыт екенін алға тартуда.
"Қылмыстық іс тергеліп, сотқа жіберілді, бірақ сот оны ҚІЖК-нің 323-бабы бойынша прокуратураға қайтарды. Қазіргі уақытта тергеу жалғасуда", - деді Атырау қаласының прокуроры Аршат Тайтуллин.