|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қаржылық мониторинг агенттігінің (ҚМА) Астана қаласы бойынша департаменті Happy Life KZ қаржы пирамидасының қызметін тоқтатты, - деп хабарлайды Dauletten.kz.
Тергеу нәтижесінде күдіктінің 2016 жылдан 2024 жылға дейін биологиялық белсенді қоспаларды сату деген сылтаумен салымшыларды тартып, жаңа қатысушылар әкелгені үшін 10-300% аралығында табыс уәде еткені анықталды.
- Маркетингтік стратегияға сәйкес, салым сомасы 7 500 теңгеден 2 миллион теңгеге дейін өзгерген. Жобадан тартылған қаражаттың жалпы көлемі 286 миллион теңгеден асқан. Нәтижесінде күдікті қаржы пирамидасына 35 адамды тартқан, – делінген ресми хабарламада.
Зардап шеккендердің барлығы – жеңіл табысқа сеніп қалған зейнеткерлер, олар өз жинақтарының басқа салымшыларға төленетін қаржы айналымының бір бөлігіне айналатынын білмеген.
Тергеу барысында күдіктінің заңсыз алынған қаражатқа 36 миллион теңгеге элиталық тұрғын үй кешенінен пәтер сатып алғаны анықталды. Сот шешімімен аталған мүлікке тыйым салынды.
Сот күдіктіге қатысты “ешқайда кетпеу және тиісті мінез-құлық туралы қолхат” түріндегі бұлтартпау шарасын бекітті.
Қазір сотқа дейінгі тергеу жалғасып жатыр. ҚР ҚІЖК-нің 201-бабына сәйкес, тергеу мүддесіне байланысты өзге ақпарат жарияланбайды.
