|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қостанайда Ауыл шаруашылығы министрлігіне қарасты агроөнеркәсіптік кешендегі мемлекеттік инспекция комитетінің бұрынғы төрағасы Дархан Әбдікәрімовке үкім шығарылды, - деп хабарлайды Dauletten.kz.
Айыпталушылар орындығында онымен бірге бір ЖШС директоры да болды. Экс-шенеунік пара алғаны үшін, ал кәсіпкер оны бергені үшін кінәлі деп танылды.
- 2024 жылдың маусым айында А. Маяковский көшесіндегі үйдің кіреберісінде ЖШС директоры О.-ның қызметкері арқылы 2 миллион теңге пара алған. Тамыз айында сауда орталығы аумағындағы кафеде О.-дан қалған пара сомасы – 2,4 миллион теңгені тікелей алған. Бұл ақша ЖШС-мен пестицидтерді бір көзден сатып алу туралы 78 125 000 теңге сомасындағы шартты жасасу үшін берілген, – деп мәлімдеді сот.
Тергеу барысында айыпталушылар кінәсін толық мойындап, өкінгендіктен іс жедел түрде қаралған.
Әбдікәрімовке 3,5 жыл, екінші айыпталушыға 3 жыл бас бостандығынан айыру жазасы тағайындалды. Екеуі де енді мемлекеттік қызметте жұмыс істей алмайды.
- Ә.-дан алынған 4 миллион теңге пара мемлекет кірісіне айналдырылды, сондай-ақ қалған пара сомасы – 400 мың теңге мемлекет кірісіне өндірілді, – деп түйіндеді сот.
