|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Шерзат Болаттың өліміне байланысты қозғалған қылмыстық іс бойынша, адам өлтірді деп айыпталған Шынасыл Абзал сотта жауап беруде. Мемлекеттік айыптаушы оның Шерзат Болатқа пышақ салып, ауыр жарақат келтірген адамды көрсетуін сұрады, - деп хабарлайды Dauletten.kz.
Сот отырысында Абзал Шынасылға: “Неліктен Белғожаевпен “Шерзатқа пышақты мен салдым, ал сен Нұрқанатқа пышақ сұқтың” деп келіскен едіңіздер?” деген сауал қойылды.
Айыпталушы бұл сұраққа: “Өйткені Белғожаевтың қолында бәкі болды”, – деп жауап берді.
Алайда прокурор бұған дейінгі жауаптарында Шынасыл оқиға кезінде ешкімнің қолынан пышақ көрмегенін айтқанын еске салды.
“Кейін білдім”, – деп түсіндірді ол.
Осылайша Абзал Шынасыл Шерзат Болатқа пышақ салғанын жоққа шығарды.
Прокурор: “Онда пышақты кім салды?” – деп нақты сұрады.
“Білмеймін, нақты айта алмаймын. Бәлкім, арамыздағы біреу шығар”, – деді айыпталушы.
Судья осы жауапқа назар аударып, “арамыздағы біреу” дегенде нақты кімді меңзегенін сұрады.
“Сотталушылардың біреуі”, – деп қысқа жауап қатты Шынасыл.
Сонымен қатар, мемлекеттік айыптаушының “Шерзатқа пышақты Белғожаев салуы мүмкін бе?” деген сұрағына Шынасыл:
"Жоқ, себебі Белғожаевпен сөйлескенімде, ол ‘бәкіні қолданған жоқпын’ деді", – деп жауап берді.
