|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сауда және интеграция министрлігінің Сауда комитеті төрағасының орынбасары Ернұр Жәутікбаевтан Қазақстанда картоп бағасының күрт өсу себебі сұралды, - деп хабарлайды Dauletten.kz.
Ернұр Жәутікбаев үкімет кулуарында журналистерге түсініктеме берді. Оның айтуынша, қазіргі уақытта қазақстандық супермаркеттердің барлық желісінде картоп бар.
- Біз күн сайын картоптың бар-жоғын қадағалаймыз. Стабилизациялық қорларда картоп бар, Қазақстан бойынша шамамен 62 мың тонна қалған. Қазақстан бойынша орташа есеппен 130 теңге шамасында сатылады, нақтырақ айтсақ – 129 теңге, – деді Ернұр Жәутікбаев.
Ол картоптың дүкендерде емес, ауыл шаруашылығы тауарын өндірушілерде қымбаттағанын түсіндірді.
- Қазіргі уақытта экспорттың ұлғаюына байланысты ауыл шаруашылығы тауарын өндірушілерде картоп көлемі бар, бірақ баға дәл солардан өскенін көріп отырмыз. Логистика мен сауда үстемесін қосқанда, бүгінгі күні Қазақстан бойынша баға орта есеппен 322 теңге шамасында өзгеріп тұр, – деді комитет төрағасының орынбасары.
Журналистер шенеуніктен соңғы рет қашан және қандай бағамен картоп сатып алғанын сұрады.
- Кеше супермаркетте өзім 433 теңгеге сатып алдым. Мен айтып тұрғаным, 322 – бұл Қазақстан бойынша орташа баға, – деп жауап берді ол.
500 теңгелік картоп, оның айтуынша, "белгілі бір сорт", оны мейрамханалар пайдаланады.
Қаңтардың басында Ақтөбеде картоптың келісі 200 теңгеден аспаған. Соңғы аптада баға екі есе өскен. Бірақ өнімнің сыртқы түрі сын көтермейді: көптеген түйнектер жарамсыз.
Картоп өсіретін өңір саналған Жетісу облысында бұл өнімнің бағасы 400 теңгеден асып кетті. Бірақ сапасы Ақтөбедегі картопқа қарағанда әлдеқайда жақсы.
Павлодарда базарда үй картобының келісі 400 теңге. Аулада орналасқан дүкендерде картоп 320 теңгеден сатылып жатыр. Павлодардың маңында картоптың бағасы 350 теңге.
Қызылордада павлодарлық картоп 360 теңгеден сатылуда. Әлеуметтік дүкендерде жергілікті өнім 135 теңге. Шығыс Қазақстан облысында картоптың бағасы келісі үшін 446 теңгеге жеткен.
Ең қымбат картоп Астанада сатылып жатыр. Магазиндерде таңдалған картоптың келісі 455 теңгеден босатылуда. Кейбір сауда орындарында өнім мүлде жоқ немесе тек қалдықтары сатылып жатыр.
