|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде «Бақытты отбасы» бағдарламасы аясында 1 064 қатысушы жылдық 2%-бен жеңілдетілген несие алды.
Бағдарламаға қатысушылар арасында мүмкіндігі шектеулі балаларды тәрбиелеп отырған отбасылар саны – 704, көпбалалы отбасылар – 282, ал толық емес отбасылар 78 адамды құрады.
Айта кету керек, биыл «Бақытты отбасыға» өтінім беру 5 мыңнан 7,5 мыңға дейін ұлғайтылды. Оның ішінде 4 117 өтінім мүмкіндігі шектеулі балаларды тәрбиелеп отырған отбасылар, 2 683 көпбалалы отбасылар, 700 толық емес отбасыларды қамту жоспарланған.
Еске сала кетейік, «Бақытты отбасы» бағдарламасы бойынша алғашқы жарна 10%, жылдық 2% сыйақымен 20 жылға дейін несие рәсімдеуге болады. Баспана бағасы Нұр-Сұлтан, Алматы, Шымкент, Ақтау, Атырау қалалары үшін 15 миллион теңгеге дейін, ал басқа аймақтарға 10 миллион теңгеге дейін қарастырылған.
Басты талап - отбасының әр мүшесінің соңғы алты айдағы табысы 3.1 ең төменгі күнкөріс деңгейінен аспауы керек, яғни 106 336 теңгеге дейін (2021 жылы ең төменгі күнкөріс деңгейі 34 302 теңгені құрайды). Мысалы, төрт адамнан тұратын отбасында жалпы табыс 425 000 теңгеден аспауы керек.
Тағы көру
