|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаты, "AMANAT" партиясы фракциясының мүшесі Жанарбек Әшімжанов Премьер-Министр Олжас Бектеновке TikTok әлеуметтік желісіне жас шектеуін қою туралы депутаттық сауал жолдады, - деп хабарлайды Dauletten.kz.
– ТикТоктағы әдепке, ұлттық құндылықтарға, дәстүріміз бен салтымызға қайшы келетін, балалардың санасын улайтын, теріс әдеттерге шақыратын барлық контентке шек қою керек. Елімізде ТикТокты кәмелеттік жасқа толмаған балалардың пайдалануына қатаң шек қою немесе мүлдем тыйым салу тетіктерін қарастыру керек деп есептейміз,– деді депутат.
Сонымен қатар депутат Ринат Зайытов TikTok платформасына қатысты өз пікірін білдірді.
— Әке-шешесінен боқтауды трендке айналдырған портал бізге қаншалықты қажет? Атаңды, әжеңді, әкеңді мазақ қылу қазір ақша табудың көзіне айналып кетті. TikTok арсыз қоғамды тәрбиелеп келеді, адамдар "қалай болса да ақша тапсам болды" деген түсінікпен әрекет етеді. Осының нәтижесінде коуч дегендердің пайда болуына және көптеген отбасылардың ойран болуына әкеліп жатыр, — деді депутат.
Осыған байланысты ол платформаны бұғаттауды қолдайтынын жеткізді.
