|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Батыс Қазақстанда соңғы уақытта үшінші белгісіз дронның құлауы қоғамда алаңдаушылық туғызды. Бұл аппараттардың қай елге тиесілі екенін журналистер Мәжіліс кулуарында Қорғаныс министрінің орынбасары Шайх-Хасан Жазықбаевтан сұрады, - деп хабарлайды Dauletten.kz.
Шайх-Хасан Жазықбаевтың айтуынша, ұшқышсыз ұшу аппараттарына қатысты тергеу жүргізіліп жатыр, оған барлық құзыретті органдар қатысуда.
— Тергеуден Қорғаныс министрлігі де тыс қалған жоқ. Бұл мәселе біздің әуе қорғанысымыздың бақылауында. Қажет болған жағдайда, тергеу қорытындысы бойынша қосымша ақпарат береміз, — деді ол.
Алайда журналистер бұдан артық мәлімет ала алмады. Жазықбаев тек “арандатудың қажеті жоқ” деп қысқа қайырды.
— Бөкейорда ауданында Ресейге тиесілі сынақ полигондары бар екенін естен шығармау керек. Бұл аумақ тек жауынгерлік алаң емес, әуе кеңістігі де бар. Мүмкін, техникалық ақау салдарынан дрон шекара асып кеткен болар. Басқа да болжамдар бар, бірақ тергеу аяқталмай тұрып, нақты бір нәрсе айтуға болмайды, — деді Жазықбаев.
18 наурыз күні сағат 17:35-те Тасқала ауданының Атамекен ауылы (Тасқала ауылынан 60 шақырым солтүстікте) тұрғындары белгісіз нысан туралы полицияға хабарлаған. Алдын ала мәліметке сүйенсек, бұл — ұзындығы 300 см болатын пилотсыз ұшу аппараты.
Оқиға орнына Тасқала аудандық полиция бөлімінің қызметкерлері, аудан әкімдігі мен төтенше жағдайлар қызметі жіберілді. Сонымен қатар, Орал қаласынан полиция департаментінің саперлері де аттанды.
Айта кетейік, көршілес Ресейдің Саратов облысы аумағында украиналық пилотсыз ұшу аппараттары жиі әскери аэродромдар мен жанар-жағармай қоймаларын нысанаға алады.
