Жаңалықтар

«Білімнің жұлдызы – 2026» жобасының жеңімпаздары анықталды

07.05.2026

мин

0

816

Сурет: ЖИ

«Білімнің жұлдызы – 2026» жобасының жеңімпаздары анықталды, - деп хабарлайды Dauletten.kz.

«Дәулеттен» қайырымдылық қоры ұйымдастырған «Білімнің жұлдызы – 2026» шәкіртақы жобасының жеңімпаздары белгілі болды. Биыл жобаға Астана, Алматы, Шымкент қалаларынан және еліміздің 17 облысынан 671 студент өтінім берген.

Іріктеу нәтижесінде барлық талапқа сай келген 200 жеңімпаз анықталды. Жеңімпаздар тізімі www.dauletten.kz сайтында жарияланды.

Жоба ұйымдастырушылары шәкіртақы иегерлерін құттықтап, оларға сәттілік тіледі.

– Шәкіртақы жеңімпаздарын шын жүректен құттықтаймыз! Бұл жобаның басты мақсаты — талапшыл, білімге, ғылымға құштар студенттерді ынталандыру, көмек беру, — дейді қор Президенті Жасұлан Бостандықұлы.

Айта кетейік, осыған дейін жоба аясында 700 білімді студентке шәкіртақы тағайындалған. Байқау еліміздің колледждері мен жоғары оқу орындарының ақылы бөлімінде білім алып жатқан студенттеріне арналған.