|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Биыл «Dauletten» қайырымдылық қоры 200 студентке 100 мың теңге көлемінде бір реттік шәкіртақы тағайындайды, деп мәлімдеді Dauletten.kz.
2019 жылы бастау алған «Білімнің жұлдызы» қайырымдылық жобасы еліміздегі білімді, әрі талантты жастарды қолдауды мақсат етеді. Алғашында меценаттардың және қайырымды жандардың қаржылай қолдауымен 50-ге тарта мектеп оқушыларының әрқайсысына 100 мың теңгелік шәкіртақы берілген. Ал биылғы конкурсқа жоғары оқу орындары мен колледж студенттері қатыса алады.
«2023 жылы дәстүрді жалғап, «Білімнің жұлдызы» шәкіртақысын жоғары оқу орны және колледж студенттеріне арнап өткізіп жатырмыз. Қазіргі таңда 500-ден астам өтінім келіп түсті. Арасынан ең үздік 200 студентті, яғни 100 колледж және 100 ЖОО студентін іріктеп аламыз. Басты назарда конкурсқа қатысушының әлеуметтік жағдайы, жетістіктері, білім көрсеткіштері бағаланады. Оны арнайы бекітілген комиссия мүшелері анықтайды. Байқаудың қорытындысымен озып шыққан студенттерге шәкіртақылар тікелей жеке шоттарына аударылатын болады», - дейді қор жетекшісі Жасұлан Қуандық.
Ескерте кетейік, «Білімнің жұлдызы» жобасына өтінім қабылдау 10 сәуірге дейін жалғасады. Өзіңді үздік деп танысаң, байқауға қатысып, бағыңды сына!
