|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Президент биыл мемлекеттілігіміздің берік тірегі – Ата Заңымыздың қабылданғанына 30 жыл толатынын еске салды, - деп хабарлайды Dauletten.kz.
Мемлекет басшысы Қасым-Жомарт Тоқаев елдің негізгі құжаты – Конституцияның қоғамдағы маңызын атап өтті. Оның айтуынша, Ата Заң еліміздің даму жолындағы басты тірекке айналған.
– Негізгі заң – қоғам арқа сүйейтін басты қағидаттар жиынтығы. Конституцияның арқасында заң үстемдігі мен тәртіп қамтамасыз етіліп, ауқымды өзгерістер кезең-кезеңімен іске асырылып жатыр. Қазақстанның өсіп-өркендеуіне әр азамат өз үлесін қосып келеді, – деді Президент.
Мемлекет басшысы ел азаматтарын ортақ мақсат пен жасампаз реформаларға деген сенім біріктіретінін айтты. Оның пікірінше, ел бірлігінің, татулығы мен тұрақтылығының негізінде этностардың ынтымағы жатыр.
– Бізді көк паспортымыз, ортақ мақсат және реформалардың қуатты күші біріктіреді. Қазақта "Туы бірдің – түбі бір, жолы бірдің – жүгі бір" деген сөз бар. Еліміздегі түрлі этнос өкілдері көк байрақтың астында бірлікте, тату өмір сүріп жатыр, – деді Қасым-Жомарт Тоқаев.
Президент Әділетті, Қауіпсіз және Таза Қазақстанды құру жолындағы береке-бірлікті сақтау маңызды екенін атап өтті. Оның айтуынша, қоғам осы ынтымақты сақтаса, кез келген биік мақсаттарға жетуге болады.
