Жаңалықтар

Биыл республикалық бюджеттен әлеуметтік төлемдерге 5,3 трлн теңге бөлінді

31.12.2024

мин

0

191

esquire.kz

Биыл республикалық бюджеттен әлеуметтік төлемдерге 5,3 трлн теңге бөлінді. Бұл туралы ҚР Үкіметінің ресми Telegram-каналы жазды, - деп хабарлайды Dauletten.kz.

2024 жыл Қазақстанда әлеуметтік қорғау жүйесін дамытудың маңызды кезеңі болды. Негізгі қадамдардың бірі базалық және ортақ зейнетақыларды, сондай-ақ мемлекеттік жәрдемақыларды индекстеумен байланысты әлеуметтік төлемдерді арттыру болды. Инфляцияның болжамды деңгейін ескере отырып, төлем мөлшері ұлғайтылды.

- Мемлекет басшысының тапсырмасы бойынша 2023 жылдан бастап бес жыл ішінде ең төменгі базалық зейнетақыны ең төменгі күнкөріс деңгейінің 70%-на дейін, ең жоғарғысы – 120%-ға дейін жыл сайын кезең-кезеңімен арттыру жүзеге асырылады. 2024 жылғы 1 қаңтардан бастап базалық зейнетақының ең төменгі мөлшері ең төменгі күнкөріс деңгейінен 60%-дан 65%-ға дейін өсті, бұл 28 215 теңгені құрайды, ең жоғары мөлшері – ең төменгі күнкөріс деңгейінен 100%-дан 105%-ға дейін, бұл 45 578 теңгені құрайды. 2024 жылғы 1 қаңтардан бастап жұмыс берушілердің міндетті зейнетақы жарналарын кезең-кезеңімен іске асыру басталды, олар 4,3 млн-нан астам жұмыс істейтін азаматтардың шоттарына аударылды. Бұл шара жастардың болашақ зейнетақысының деңгейін арттыруға бағытталған. 2024 жылы зиянды еңбек жағдайларында ұзақ уақыт жұмыс істейтін азаматтарды әлеуметтік қолдауды қамтамасыз етуге ерекше назар аударылды. Жаңа арнайы әлеуметтік төлем енгізіліп, ол 2024 жылдың 1 қаңтарынан бастап 13 мың адамға тағайындалды. Жалпы, 2024 жылы республикалық бюджеттен әлеуметтік төлемдерге 5,3 трлн теңге бағытталды, бұл еліміздің бюджет шығыстарының жалпы көлемінің 22%-ын құрады. Аталған қаражат 4,5 млн азаматты қолдауға бағытталған, - делінген жазбада.