|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Батыс Қазақстан облысында балалардың жоғалу оқиғалары өткен жылмен салыстырғанда екі есе өсті, - деп хабарлайды Dauletten.kz.
Батыс Қазақстан облысында өткен жылы полицияға 688 адам жоғалды деген арыз түскен, олардың 686-сы табылған.
Полиция дерегіне сәйкес, 2025 жылы өңірде 688 жоғалған адам туралы өтініш тіркелген, ал бір жыл бұрын бұл көрсеткіш 353 болған. Көбіне жоғалатындар – тұрақты табысы жоқ, алкогольді шамадан тыс қолданатын немесе психоневрологиялық диспансерде есепте тұрған азаматтар. Барлық оқиғалардың шамамен 90%-ы облыс орталығында тіркелген.
Құқық қорғау органдарының басты алаңдаушылығы – балалардың үйден кетуі. Бір жыл ішінде кәмелетке толмағандардың жоғалуы туралы 384 хабарлама келіп түскен, бұл 2024 жылғы көрсеткіштен екі есе көп. Қуаныштысы, барлық балалар бір тәулік ішінде табылып, ата-аналарына қайтарылған.
Полицейлердің айтуынша, негізгі себептер: отбасындағы жанжалдар, үйдегі қолайсыз жағдай және әлеуметтік желілердегі таныстықтар. Мамандар ата-аналарды, мектептер мен әлеуметтік қызметтерді бірлесіп жұмыс істеуге шақырады.
