|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
1993 жылы Біріккен Ұлттар Ұйымының Бас Ассамблеясы 15 мамырды Халықаралық отбасы күні деп ресми түрде бекітті. Ал келесі жылдан бастап бұл күн әлемнің көптеген елдерінде атап өтіле бастады, - деп хабарлайды Dauletten.kz.
Бұл бастаманың мақсаты — қоғам назарын отбасының рөлін нығайтуға, оның маңызын арттыруға бағыттау.
Отбасы — адамзаттың ең алғашқы әрі ең қасиетті тірегі. Ол — сүйіспеншіліктің, сенім мен өзара құрметтің, ұлттық құндылықтар мен тәрбиенің бастауы. Бала үшін де, ата-ана үшін де отбасы – қауіпсіздік пен жылулықтың мекені.
Әрбір мемлекеттің дамуы, болашағы — мықты отбасылардың негізінде қаланады. Сондықтан да бұл күн қоғамдағы әлеуметтік тұрақтылықтың, ұрпақ сабақтастығы мен рухани байлықтың айнымас нышаны ретінде кеңінен аталып өтуде.
Осы атаулы күнде еліміздің әрбір шаңырағына тыныштық, береке, денсаулық пен татулық тілейміз.
Ата-аналарымыз аман, аналардың жүрегінде жылулық, балалардың жүзінде күлкі, отбасыларымызда баянды бақыт пен махаббат мәңгі жасасын!
