Жаңалықтар

Бүгін Қазақстанның бірқатар аймағында -3°C дейін үсік күтіледі

28.04.2026

мин

0

219

Сурет: BAQ.kz

Синоптиктердің мәліметінше, бүгін Қазақстанның бірқатар өңірінде ауа райы құбылып, түнгі уақытта -3°C дейін үсік жүруі мүмкін. Кей аймақтарда жаңбыр жауып, жел күшейеді, — деп хабарлайды Dauletten.kz. 

Бүгін республика аумағының басым бөлігінде тұрақсыз ауа райы сақталады. Бірқатар өңірде найзағай ойнап, жаңбыр жауады.

Шығыс және оңтүстік-шығыстың таулы аймақтарында түнгі уақытта жауын-шашын күтіледі. Шығыс өңірлерде бұршақ түсіп, дауыл болуы ықтимал. Ал орталық пен батыстың кей бөліктерінде жауын-шашынсыз ауа райы қалыптасады.

Синоптиктердің болжамынша, батыс, солтүстік-батыс, солтүстік, шығыс және орталық өңірлерде түнде ауа температурасы -3°C дейін төмендеп, үсік жүреді.

Республика бойынша жел күшейіп, кей жерлерде тұман түседі. Оңтүстік аймақтарда шаңды дауыл соғуы мүмкін.

Астанада күн ала бұлтты, жауын-шашынсыз. Түнде ауа температурасы 0…+2°C, күндіз +18…+20°C шамасында болады. Желдің жылдамдығы 7–12 м/с.

Алматыда бұлтты ауа райы сақталып, жаңбыр жауып, найзағай ойнайды. Түнде +11…+13°C, күндіз +20…+22°C. Жел 3–8 м/с.

Шымкентте күн ала бұлтты, жауын-шашынсыз. Түнгі температура +10…+12°C, күндіз +26…+28°C дейін көтеріледі. Желдің жылдамдығы 15–20 м/с.