|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қорқыт ата университетінің магистранты, облыс әкімінің «Сыр үміті» жастар сыйлығының иегері София Хайроллақызы балаларға арналған «Cyber City хикаялары» комикстер кітабының 2-бөлімін жарыққа шығарды.
«Cyber Qala хикаялары» комикс кітаптары - киберқауіпсіздік және кибербуллингтен қорғау туралы көбірек білгісі келетін балаларға және жастарға арналған пайдалы және қызықты кітап.
Комикстер жеке деректерді қорғау, кибершабуылдардың алдын алу, кибербуллинг, кибермоббинг, банктік деректерді қорғау, интернетті және әлеуметтік медианы қауіпсіз пайдалану сияқты киберқауіпсіздіктің әртүрлі аспектілерін көрсетеді. Комикстер мақсатты аудиторияның мүдделері мен қажеттіліктерін ескере отырып әзірленген, сондай-ақ киберқауіпсіздік бойынша білім берудің заманауи стандарттарына сәйкес келеді.
Комикстер сериясы SAFE CYBERSPACE жобасы аясында жасалды. Мақсаты – комикстер сериясын құру, бастауыш және орта мектеп оқушыларына арналған онлайн және әлеуметтік медиа қорғауға арналған сыныптан тыс оқу бағдарламасына арналған материалдарды әзірлеу.
Жобаның негізгі бөлігі бастауыш сынып оқушыларына арналған киберқауіпсіздік бойынша комикс кітаптар топтамасының 1-ші және 2-ші бөлімі шығару болатын. Жоба Қызылорда облысы әкімінің қолдауымен 2022 жылы Qyzylorda «Inno.Fest» инновациялық идеялар фестивалінде үздік деп танылды.
Айта кету керек, Софияның комикс кітабы жақында Халықаралық Комикс байқауында жүлдегер болды. Ресей мен Франция мемлекеті бірлесе өткізілген «Франко-российский конкурс комиксов 2023» байқауында «Sans frontières» номинациясын иеленді.
Жоба жетекшілері: облыс әкімдігі жанындағы «Ақпараттық технологиялар орталығының директоры» Сәбит Ибадуллаұлы мен Қорқыт ата атындағы Қызылорда университетінің Жасанды интеллект институтының директоры Нұрлан Құлмырзаев.
