|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Күні кеше Алматыда «Dauletten» қайырымдылық қоры 200 мұқтаж отбасыға азық-түлік берді, деп хабарлайды Dauletten.kz.
Аталмыш шараның жүзеге асуына Қазақстан мұсылмандары діни басқармасы, Абдулла мешіті және «Qazaqsapar» компаниясы қолдау көрсетті.
Айта кетсек, «Dauletten» қайырымдылық қоры Қасиетті Рамазан айында 5 отбасыға баспана, 1000 адамға ауызашар және 1000 отбасыға азық-түлік себетін таратуды қолға алды. Жуырда игі істер шарасын бастап, Астана қаласындағы Республикалық бас мешітте 500 адамға ауызашар берді. Енді міне, жалғасын Алматы қаласындағы азық-түлік таратумен өткізді.
Бүгінде қайырымдылық қоры мұқтаж жандарға 760 мың теңге көлемінде қаржылай көмек, 57 отбасыға баспана және 100-ге тарта оқушыға шәкіртақы берді. Алдағы уақыттағы жақсылық шараларына барша қайырымды оқырмандарды бірге атсалысуға шақырады.
