|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақшаны банкте сақтаған дұрыс. Десе де кей жағдайларда депозиттегі ақша жоғалып кетуі мүмкін. Бұл туралы «Прайм» адвокаттар алқасы филиалының меңгерушісі Анатолий Миронов айтты.
Заңгердің айтуынша, банкке барған клиент барлық құжаттарды мұқият тексермей, банк қызметкерлеріне сенім білдіріп, қол қоя салады.
"Өкінішке қарай, депозиттегі жеке тұлғалардың жинағының жоғалуына банк қызметкерлерінің қатысы болуы мүмкін. Сол себепті олар ұсынған келісімшарттарды толық тексеріп, қол қою қажет", - дейді Анатолий Миронов.
Кей жағдайда банктегі мамандар тиімді үстемақысы бар депозитті ұсынып жатады. Нәтижесінде клиент ойланбастан құжатқа қол қоя салады. Бұл жағдайда құжатта көрсетілген кішкентай әріптермен жазылған сөздерге назар аудару керек. Себебі банк қызметкерлері арасында да алаяқтар болуы мүмкін.
Оқымай қол қойған жағдайда шоттағы қаржы банк қызметкерінің басқаруына ауысып кетеді. Тіпті Мироновтың сөзіне сүйенсек, алаяқтар клиент жайлы ақпаратты банктегі мамандардан алатын жағдайлар кездеседі. Сол себепті банкте құжатқа қол қоймас бұрын, мұқият болған абзал.
Дереккөз: Sputniknews.kz
