|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сенат депутаттары баспана алуға бағытталған бағдарламалардың қолжетмсіздігін алға тартып, халық не себепті ипотека ала алмай жүргенін айтты.
Ләззат Сүлейменнің айтуынша, еліміздегі бірқатар баспана алуға бағытталған бағдарламалардың талаптарын жеңілдету керек. Себебі бұл жобалармен әлеуметтік жағынан осал топтар жеңілдетілген ипотека ала алмайды.
«Шаңырақ» пилоттық жобасы
Жаңадан қабылданған «5-10-20» бағдарламасы арқылы үй кезегінде тұрған азаматтар баспаналы бола алды. Десе де, бағдарлама талабына сай адамдар соңғы 6 айдың зейнетақы көшірмесін өткізу керек.
«Қазіргі уақытта үй кезегінде тұрған мүгедектігі бар адамдар табыс көзін растай алмай, дәл осы шарттан өте алмай тұр», - деді ол.
«7-20-25» бағдарламасы
Тұрғын үй бағдарламаларының ішіндегі қолжетімді бағыттардың бірі. Бірақ бұл жағдайда тек нарықтағы жаңа үйлерді ғана алуға болады. Ал жаңа үйлерді табу қиын. Себебі енді салынған үйлердің басым көпшілігін алыпсатарлар алады. Халық жаңа үйлерден баспана таба алмай жүреді.
«Осыған байланысты бұл бағдарламада қайталама нарықтан да баспана алу мүмкіндігін қарастырған дұрыс», - деді сенатор.
«Баспана хит»
Бағдарлама аясында жаңа және қайталама нарықтан да баспана алуға болады. Десе де, несиені 10,75 процентпен рәсімдеу керек. Яғни табыс көзі жоғары болуы керек. Бұл жағдайда бағдарлама ай сайынғы табыс көзі 180 мыңнан төмен қазақстандықтарға тиімсіз.
Тағы көру
