|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Денсаулық сақтау министрі Ақмарал Әлназарова әскери борышын өтеп жүрген кезінде комаға түскен Ербаян Мұхтардың денсаулығына қатысты пікір білдірді, - деп хабарлайды Dauletten.kz.
Оқиға 2023 жылдың желтоқсан айында орын алған. Содан бері Ербаянға бірнеше операция жасалған.
- Қазіргі уақытта жағдайы тұрақты. Оңалту және медициналық қызметтер қажет болғандықтан, кеше Ербаян Ұлттық медициналық орталыққа ауыстырылды. Ауруына байланысты қажетті көмек көрсетіліп жатыр. Әкесі жанында, – деді министр үкімет отырысында.
Ақмарал Әлназарова сарбазға барлық қажетті шара қолданылғанымен, оның әлі де өздігінен жүріп кете алмағанын атап өтті.
- Диагнозы өте күрделі. Жарақаттан бөлек, инфекциялық асқыну да болды. Барлық тиісті ем жүргізілуде. Ол Түркияда да ем қабылдады. Қазіргі уақытта қосымша тексерулер жүргізіп жатырмыз. Ата-анасымен шетелде емделу мүмкіндігі жөнінде сөйлестік. Олар Қазақстанда емделуге шешім қабылдады. Ертерек қорытынды жасамай-ақ қояйық, бірақ барлық қажетті медициналық көмек көрсетіліп жатқанына сенімді бола аласыздар, – деді министр.
