|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Өткен қыста ірі коммуналдық апат салдарынан жылусыз қалған екібастұздық тұрғындар қаладан жаппай көшіп жатыр, деп хабарлайды Dauletten.kz 31-арнаға сілтеме жасап.
Екібастұзда пәтерлердің сатылымы артты. Көптеген қала тұрғындары жылжымайтын мүлікті өте арзан бағаға сатып, көшіп жатыр. Олар келер қыста тағы апат болады деп қорқады. Жергілікті әкімдік тұрғындарды сабырға шақырып, жылу электр орталығының барлық қазандықтары қысқа дейін жөнделетініне уәде беріп отыр.
Әкімдік өкілдерінің айтуынша, алдағы жылу маусымына дейін жылу блогының сегіз қазандығы жөнделеді. Қазір қалада бұзылған құбырлар ауыстырылуда. Сондықтан тұрғындардың алаңдауына еш негіз жоқ.
«ЖЭО-да он қазандық бар. Барлық жұмыстар кестеге сай жүргізілуде. Сонымен қатар, ұзындығы 5,4 шақырым болатын магистральдық жылу трассасын жөндеу бойынша ауқымды жұмыстар басталды», - деді Екібастұз қаласы әкімінің орынбасары Әнауарбек Аманов.
фото: inform.kz
