Жаңалықтар

Елде өндірістегі жазатайым оқиғалар саны азайды

28.05.2026

мин

0

78

Сурет: inbusiness.kz

Қазақстанда өндірістегі жазатайым оқиғалар саны өткен жылмен салыстырғанда азайды. Алайда Шығыс Қазақстан мен Қарағанды облыстарында жарақаттану деңгейі әлі де жоғары күйінде қалып отыр, — деп хабарлайды Dauletten.kz. 

Ұлттық статистика бюросының мәліметіне сәйкес, 2025 жылы елімізде өндірістік жарақаттану көрсеткіші 5,8%-ға төмендеген. Бір жыл ішінде өндіріс орындарында барлығы 2 328 жазатайым оқиға тіркелді.

Өңірлер арасында ең жоғары көрсеткіш Шығыс Қазақстан облысында байқалды. Мұнда 287 адам өндірісте түрлі жарақат алған. Бұл республика бойынша жалпы көрсеткіштің 12,3%-ына тең.

Қарағанды облысы екінші орында тұр. Аталған аймақта өндірістегі жазатайым оқиғалардан 277 адам зардап шеккен.

Салалар бойынша алғанда, ең көп жарақат өңдеу өнеркәсібінде тіркелген. Бұл салада 255 адам зардап шеккен. Сонымен қатар, тау-кен өнеркәсібінде 130, ал құрылыс саласында 18 адам өндірістік жарақат алған.

Статистикаға сәйкес, жазатайым оқиғалардан көбіне 30-45 жас аралығындағы білікті жұмысшылар зардап шегеді.