|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Биыл балалардың жазғы демалысына қатысты лагерьлердің жұмысы жайлы Білім және ғылым министрлігі балалар құқықтарын қорғау комитетінің басқарма басшысы Гүлназ Ташқарова айтты.
Оның айтуынша, елімізде 1-10 сынып аралығында білім алатын 3 млн 400 мыңнан астам оқушы бар. Олардың 76%-ті биыл жазғы лагерьлерге бара алады.
«Қазақстанда 12 мыңға жуық лагерь ашу жоспарланып жатыр. Десек те, қай лагерьдің іске қосылатынын жергілікті санитарлық дәрігерлер шешеді. Себебі жағдай әр өңірде әртүрлі. Мысалы, еліміздің «қызыл» аймаққа кірген өңірлерінде лагерьдің жұмыс істеуіне тыйым салынады. Пандемияға байланысты жазғы лагерьлерге кіру үшін ПТР тест тапсыру міндетті. Қала сыртындағы лагерьлерге сондай талап қойылған, – дейді ол.
Балалардың ПТР тест өту ақысын ата-аналар төлейді. Ал Білім заңында бекітілген тоғыз санатқа кіретін балаларға жергілікті атқарушы органдар төлеуі тиіс.
«Аталмыш санатқа аз қамтылған отбасынан шыққан балалар, жетім балалар, мүмкіндігі шектеулі балалар, экологиялық ахуалы ауыр жерлердегі балалар кіреді. Олар тіпті жазғы лагерьлерде тегін бара алады. Биыл елімізде жиыны 500 мыңға жуық бала тегін демалады деп жоспарлануда», – деді ол.
Бала саны Қазақстандағы өңірлерге байланысты есептеледі. Мектепке жақын жерден ашылған лагерлердің саны 10 мыңнан асса, оның ішінде 143-і мемлекеттік лагерь. Сыртқы лагерлер – 235. Жалпы, әр лагерьдің бағасы оның қызметіне байланысты. Орташа баға 10 күнге 30 мыңнан 100 мыңға дейін барады. Ал тегін жазғы лагерьге egov сайты арқылы өтінім беруге болады.
Тағы көру
