|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанның денсаулық сақтау министрі Ақмарал Әлназарова Үкімет отырысында халықты дәрі-дәрмекпен қамтамасыз ету бойынша атқарылып жатқан жұмыстарды баяндады, - деп хабарлайды Dauletten.kz.
Премьер-министр Олжас Бектеновтің төрағалығымен өткен отырыста министр биылғы жылға арналған амбулаториялық және стационарлық деңгейде дәрі-дәрмекпен қамту шаралары туралы айтты.
Әлназарова атап өткендей, осы мақсатта республикалық бюджеттен 474 миллиард теңге, ал жергілікті бюджеттен 26,7 миллиард теңге бөлінген. Амбулаториялық деңгейде 251 миллиард теңгеге 3,5 миллион пациент 120 түрлі нозология бойынша тегін дәрі-дәрмекпен қамтылды. Сонымен қатар, ауыл тұрғындарының дәрі-дәрмекке қол жеткізуін қамтамасыз ету үшін медициналық ұйымдар базасында 172 дәріхана, 694 жеке дәріхана және 15 жылжымалы дәріхана пункті ұйымдастырылған.
Пациенттердің стационарлық деңгейдегі дәрі-дәрмекпен қамтамасыз етілуі Қазақстандық ұлттық дәрілік формулярға сәйкес орталықтандырылған және дербес сатып алу арқылы жүзеге асырылады. Биыл Бірыңғай дистрибьютордың 2025 жылға арналған сатып алу науқаны бір ай бұрын басталды, бұл "СҚ-Фармация" ЖШС қоймаларына дәрілік заттарды 2025 жылғы 1 қаңтарға дейін жеткізуді қамтамасыз етуге мүмкіндік береді, — деді Ақмарал Әлназарова.
