|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда мемлекеттік ауруханаларда қажетті қызметті уақытылы ала алмаған азаматтарды жекеменшік клиникаларға жіберіп, олардың шығындарын МӘМС есебінен өтеу мәселесі қарастырылып жатыр, - деп хабарлайды Dauletten.kz.
Соңғы жылдары медициналық қызметтердің құны өсіп, ал оған қолжетімділік айтарлықтай төмендегенін мәжілісмендер бұған дейін денсаулық сақтау министріне жолдаған сауалында көтерген еді. Депутаттар көптеген пациенттің талдау тапсыру, КТ мен МРТ секілді маңызды тексерістерден өту үшін апталап, тіпті айлап кезек күтіп жүргенін атап өтті. Осы себепті көптеген адам ақылы клиникаларға жүгінуге мәжбүр.
Парламент мүшелері мемлекеттік медициналық ұйымдар қызмет көрсете алмаған жағдайда, науқастарды жеке клиникаларға жолдап, оның шығынын МӘМС арқылы өтеуді ұсынған.
Министрліктің жауабына сүйенсек, егер клиника 10 күн ішінде науқасқа қажет қызметті көрсетпесе, пациент еш қиындықсыз басқа ұйымды таңдай алады.
Сонымен қатар азамат қордың жеткізушілер тізімінде тұрған кез келген клиниканы таңдай алады, ал жолдама рәсімдеу кезінде клиникамен келісімшарт ақпараттық жүйеде автомат түрде жасалады.
Министрлік мемлекеттік клиникада қызмет алу мүмкін болмаған жағдайда, пациентті жеке медициналық мекемеге жіберу және оның шығынын МӘМС қоры арқылы өтеу тетігін әзірлеп жатқанын мәлімдеді.
Егер азамат кезекке ілінбей, жолдама ала алмай жүрсе, денсаулық сақтау министрлігі МӘМС қорының байланыс орталығына немесе Qoldau 24/7 мобильді қосымшасына жүгінуге кеңес береді.
