Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Пандемияны бақылауда ұстау үшін жыл сайынғы вакцинация қажет болуы мүмкін. Калифорния университетінің мамандары коронавирустың әртүрлі штамдарының таралу ерекшеліктерін зерттей келе осындай болжам айтты. Бұл туралы 31 арнанының "Информбюро" жаңалықтар бағдарламасы хабарлады.
Сарапшылар вакциналардың құрамын үнемі жаңартып отыруға тура келетініне сенімді, өйткені коронавирус мутацияланады. Осылайша жыл сайынғы вакцинация қажет болуы мүмкін.
Бірақ ғалымдар алаңдайтын ештеңе жоқ екенін айтады. Тұмауға қарсы вакциналар әр эпидемиялық маусымда жаңартылып отырады. Бұл ретте, препараттар жаңа штамдарға қарсы жоғары тиімділікті көрсетеді.
Қазіргі уақытта бүкіл әлемде вакцинация науқаны қызу жүріп жатыр. Пекинде шамамен 6 миллион адам COVID-19 вакцинасын алды – бұл бүкіл халықтың үштен бірі. Ал екпе алған азаматтардың үлесі бойынша Сейшел аралдары, Израиль және Ұлыбритания көш бастап тұр.
Бірақ барлық елдерде вакцинация сәтті жүріп жатыр деп айтуға болмайды. Мәселен, Украинада медицина қызметкерлерінің 60%-ы вакцинациядан бас тартты. Тіпті ел басшысы Владимир Зеленский де COVID вакцинасын алды, бірақ бұл "бас тартушыларды" сендірмеді. Дәрігерлер денсаулық сақтау министрлігі сатып алған Үндістан шығаратын Covishield препаратына сенбейді.