|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Газа секторының солтүстігіне 400 мыңға жуық адам оралды, бірақ олардың көбінде баспана жоқ. Қақтығыстар салдарынан көптеген үйлер қирап, тұрғындар шатырларда тұруға мәжбүр. Алайда олардың өзі жеткіліксіз, - деп хабарлайды Dauletten.kz.
Қайтып келген палестиналықтарды орналастыру үшін 135 мың шатыр қажет. Өңірде тек тұрғын үйлер ғана емес, инфрақұрылым да қатты бүлінген, ал таза ауызсу тапшылығы байқалады.
"Әл-Жазира" телеарнасының хабарлауынша, кейбір тұрғындар үйлеріне оралғанымен, жағдайдың ауырлығына байланысты Газаның орталығына қайта кетіп жатыр. Осы аптаның басында Израиль әскері палестиналықтарға Газа секторының солтүстігіне оралуға рұқсат берген еді. 15 ай бұрын қақтығыстар күшейген кезде бұл аумақтан шамамен 650 мың адам кетіп қалған.
