|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлеуметтік желілерде «қыз іздеймін», «жігіт іздеймін» деген хабарламалар көбейіп, жаңа қауіп пайда болды. Ішкі істер министрлігі азаматтарға онлайн танысу кезінде сақ болуды ескертеді, - деп хабарлайды Dauletten.kz.
Қазақстандықтар әлеуметтік желілерде, әсіресе Threads платформасында танысу хабарламаларының артқанын байқаған. ҚР Ішкі істер министрлігінің мәліметінше, мұндай жазбалардың артында шынайы қолданушылар да, алдамшы ниеттегі адамдар да болуы мүмкін.
Қылмыскерлер көбіне өздерін тартымды жас жігіттер немесе қыздар ретінде көрсетіп, әуелі белсенді сөйлесіп, сенімге кіреді. Кейін олар өмірлік қиындық немесе ауру-сырқау сылтауын айтып, қаражат сұрай бастайды.
Азаматтарға қаражатты шетелдік криптоәмияндарға немесе үшінші тұлғаның есепшотына аудармауды, бейнеқоңырау мен жеке кездесуден қашуды ескертеді – бұл алаяқтықтың басты белгісі.
ІІМ интернеттегі бейтаныс адамдарға ақша жібермеуге, жеке мәліметтерді ашпауға және құқыққа қайшы әрекеттер анықталған жағдайда полицияға хабарлауға шақырады.
