|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Еллордада физика, математика және информатика мұғалімдері арасында өткен халықаралық IMPACT Олимпиадасы өз мәресіне жетті, - деп хабарлайды Dauletten.kz.
Қазақстан және көршілес елдерден мыңнан аса педагогтар мен жаттықтырушылар жиналған шығармашылық байқаудың қорытындысы бойынша Алматы қаласындағы химия-биология бағытындағы NIS-тің физика мұғалімі Ернұр Чакенов пен математика пәні мұғалімі Айбол Оразғалиев абсолюттік жеңімпаз атанды.
Физика пәнінің мұғалімі Ернұр Чакенов олимпиаданың күрделі тапсырмалары мен қатаң талаптарын орындай отырып, жоғары көрсеткіштерге қол жеткізді.
Айбол Оразғалиев 174 математика мұғалімдерінің ішінен ең үздік нәтиже көрсетіп бірінші орынға лайықты деп танылды.
Бұл жетістік оқытушылардың мұғалімдік кәсібінің жоғары деңгейін және өз ісіне деген адалдығын көрсетеді.
Дәстүрге айналған IMPACT Олимпиадасы тек жарыс қана емес, сондай-ақ олимпиадаға оқушыларын дайындайтын мұғалімдер мен жаттықтырушылар арасында тәжірибе алмасатын кәсіби алаңға айналып, білім сапасын арттыру, үздік тәжірибелермен бөлісу және педагогтар қауымдастығын нығайту бағытында маңызды роль атқарады.
