|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Ақмола облысының орталығы Көкшетау қаласында тез дайындалатын тағам сататын дүңгіршектен өрт шықты. Құтқарушылар тілсіз жауды дер кезінде сөндірді, - деп хабарлайды Dauletten.kz.
Оқиға Ақмола облысының Көкшетау қаласында орын алды. Өрт туралы хабар түскеннен кейін оқиға орнына Төтенше жағдайлар министрлігінің күштері жедел жеткен.
Құтқарушылар жалынды қысқа уақытта оқшаулап, оның жақын маңдағы нысандарға таралуына жол бермеді. Өрт сөндіру барысында дүңгіршек ішінен 4 газ баллоны сыртқа шығарылып, ықтимал жарылыстың алдын алу шаралары қабылданды.
Алдын ала мәлімет бойынша, зардап шеккендер жоқ. Қазіргі уақытта өрттің шығу себептері анықталып жатыр.
