Жаңалықтар

Көкшетауда Жаңа жыл мерекесін тойлауға 55,4 млн теңге жұмсалмақ

29.11.2025

мин

0

80

Сурет: gov.kz

Көкшетауда Жаңа жыл мерекесін өткізуге 55,4 млн теңге жұмсалмақ, - деп хабарлайды Dauletten.kz.

Көкшетауда биыл жаңа жыл ерекше форматта өткізілмек. Қала әкімдігінің мәліметінше, 2025 жылы жаңажылдық безендіру мен негізгі мерекелік іс-шараларды ұйымдастыруға 55,4 млн теңге бөлінген. Бұл қаражат тек қаланың қоғамдық кеңістіктерін көркейтуге және жалпы қалалық шараларды өткізуге жұмсалмақ.

Биыл алғаш рет басты жаңажылдық оқиғалар «Жаңа жағалау» және «Көк шалғын» қоғамдық кеңістіктерінде өтеді. Сонымен қатар Абылай хан алаңы мен басқа да қалалық аумақтарда мерекелік аймақтар әзірленіп, қаланың әр жеріне жаңажылдық шыршалар, жарық инсталляциялар, мұз мүсіндері және шағын архитектуралық формалар орнатылады. Безендіру жұмыстары қала дизайн-кодына сай жүргізіледі.

Қала әкімі кәсіпкерлерді де мерекелік атмосфераны қалыптастыруға атсалысуға шақырып, нысандарды жаңажылдық стильде безендіру қажеттігін айтты.

Бас шыршаны жағу рәсімі 19 желтоқсанда «Жаңа жағалау» алаңында өтеді. Ал 31 желтоқсанда осы аумақта негізгі мерекелік бағдарлама ұйымдастырылып, фейерверк көрсетіледі.

Мерекелік кезеңде қаланың коммуналдық және қауіпсіздік қызметтері үйлестіру, техникалық қамтамасыз ету және қоғамдық тәртіпті сақтау шараларын жүзеге асырады.