Жаңалықтар

Коммуналдық қызмет атын жамылған алаяқтардан сақ болыңыз

27.07.2026

мин

0

97

ІІМ коммуналдық қызмет атын жамылған алаяқтардан сақ болуға шақырады, - деп хабарлайды Dauletten.kz.

Соңғы уақытта алаяқтар өздерін жылу қызметінің мамандары ретінде таныстырып, тұрғындарға қоңырау шалуда. Олардың негізгі мақсаты — азаматтардың жеке мәліметтеріне, банк шоттарына немесе аккаунттарына қол жеткізу.

Алаяқтар әдетте мынадай сылтауларды қолданады:

• жылу есептегішін тіркеу қажет;

• сіз өтініш қалдырғансыз;

• құжаттарыңызды жаңарту керек;

• берешегіңіз бар;

• жеңілдік рәсімдеу қажет.

Одан кейін олар телефонға келген SMS-кодты айтуды сұрайды. Есте сақтаңыз: SMS-кодты ешкімге беруге болмайды.

Алаяқтар бұл код арқылы:

• банк қосымшаларына кіруге;

• мемлекеттік сервистердегі аккаунттарға қол жеткізуге;

• сіздің атыңыздан заңсыз әрекеттер жасауға әрекет етуі мүмкін.

Өзіңізді қорғау үшін:

• телефон соққан адамның кім екенін міндетті түрде тексеріңіз;

• SMS-кодты, банк картасының деректерін, CVV-кодты және басқа да жеке мәліметтерді ешкімге айтпаңыз;

• күмәнді жағдайда әңгімені тоқтатып, ұйымның ресми байланыс нөміріне өзіңіз хабарласыңыз;

• бейтаныс адамдардың нұсқауымен қосымшаларды жүктемеңіз және күмәнді сілтемелерге өтпеңіз.

Полиция коммуналдық қызмет өкілдерінің тұрғындардан телефон арқылы SMS-кодтарды сұрамайтынын ескертеді.

Егер осындай қоңырау келсе:

• әңгімені бірден тоқтатыңыз;

• SMS-кодты айтпаңыз;

• жақындарыңызға ескертіңіз;

• алаяқтық әрекет болған жағдайда полицияға хабарласыңыз.

Сақ болыңыз! Бір ғана SMS-кодты айту арқылы қаражатыңыздан айырылып қалуыңыз мүмкін.