|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Күн лезде салқындап, жаппай суық тию маусымы басталды. Ол ағзаның суыққа дайын болмауы мен иммунитет әлсіреуінен дейді мамандар. Ал суық мезгілде иммунитетті нығайту және ауыруды алдын алуға болатын кеңестерді «Оқжетпес» емдеу-сауықтыру кешенінің емдеу-оңалту жұмысы жөніндегі вице-президенті Лаура Құсайынова айтып берді.
Лаура Құсайынованың айтуынша, шипажайға сауықтыру шараларына келетін қонақтардың да күз мезгілін таңдауы – иммунитетке көмек беру. Сауықтыру кешенінде келушілерге арналған 10 емдеу бағдарламасы қарастырылған.
10 емдеу бағдарламасына физо-терапиялық және бальнеологиялық әдістер, жылумен және нафталанмен емдеу жатады. Мұндай әдістерді Кавказдағы минарлы сулары, Ресейдің Ессентуки, Кисловодск, Железноводск сынды қалаларындағы танымал курортты орындарда пайдаланады.
Суық тиюді алдын алу және емдеу шараларын үй жағдайында да жасауға болады. Бұл мәселені кез келген талғамға сай шешудің 2 нұсқасы бар. Олар: дәстүрлі емдеу және базалық медицина әдістері. Барлығы да тиімді.
Дәстүрлі медицина:
Суық тиюдің алғашқы белгілерін байқаған болсаңыз, кешкісін міндетті түрде аяқты ыстық судың буында бірнеше минут ұстап, жылы киініп, табанға қыша (горчичники) қойып, таңға дейін жылы ұстаса, вирустарды тез шығаруға болады.
Дәрі ішуді ұнатпасаңыз, табиғи шөптен жасалған шайларға құрамында витамин С, В бар жемістерді қосып, ыстық күйінде жиі ішу керек.
Тұз бен суды араластырып, мұрын мен ауызды шаю керек
Денеңізден суықты шығарып, әлсіздікті жою үшін эфир майларымен денені майлап, ысқылап шығу керек.
Дәстүрлі емес әдістерге витаминдер ішу жатады:
⦁ С дәрумені флавоноидамиядан кем дегенде 1000 мг;
⦁ Д3 дәрумені кемінде 10 мың бірлік;
⦁ Аскорбин қышқылы, тек дозасы сәйкес болуы керек, сонымен қатар біз оны құрамында итмұрын, қарақаты бар шайлар арқылы аламыз, оларда С витаминінің ең көп концентрациясы бар.
Екінші әдіс: Еліміздің медициналық саясатының арқасында ҚР әрбір тұрғыны үшін мәртебесіне қарамастан тегін маусымдық тұмауға қарсы вакцинация егу қызметі бар. Бүгінгі күні вакцинация қарқынды жүріп жатыр, осы вакцинаны алу үшін тіркелген жері бойынша емханаға жүгінуге болады.
Баршаңызға зор денсаулық тілейміз! Деніңіздің сау болуы үшін қаражат емес, салауатты өмір салтына дұрыс көңіл бөлу керек.
