|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәдениет және ақпарат министрінің бұйрығымен Ерлан Ерғазыұлы Дакенов Мәдениет комитетінің төрағасы болып тағайындалды, - деп хабарлайды Dauletten.kz үкіметтің баспасөз қызметіне сілтеме жасап.
Ерлан Дакенов 1977 жылы Қарағанды облысында дүниеге келген. Қазтұтынуодағы Қарағанды экономикалық университетін және Аймақтық әлеуметтік-инновациялық университетті тәмамдаған.
Еңбек жолын 2000 жылы бастаған. 2000–2008 жылдары "Ақтоғай Транспорт компаниясы" ЖШС-да менеджер, кейін заңгер болып қызмет атқарған.
2008–2012 жылдары Астана қаласының Мәдениет басқармасына қарасты "Тәуелсіздік сарайы" мекемесінде түрлі лауазымда — қоюшы-режиссер, продюсер, баспасөз хатшысы, инспектор-аға маман ретінде жұмыс істеген.
2012–2016 жылдары Мәдениет министрлігі Мәдениет комитетінің "Ақ жауын" мемлекеттік камералық оркестрінің директоры қызметін атқарған.
2016–2019 жылдары — "Қазақконцерт" мемлекеттік концерттік ұйымы директорының орынбасары,
2019–2023 жылдары — Астана қаласы әкімдігінің "Мемлекеттік академиялық филармониясы" мекемесінің бас директоры болған.
2023 жылғы тамыздан бастап жаңа қызметіне дейін "Еркеғали Рахмадиев атындағы Мемлекеттік академиялық филармония" МКҚК бас директоры қызметін атқарды.
