|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін 22 мамыр күні Мақтаарал ауданы, Мырзакент кентінде Білім басқармасының шешімімен Сабыр Рахимов атындағы мектепте Дәулеттің оқырмандары атынан салтанатты түрде ноутбуктерді табыстау рәсімі өтті.
11 мамыр күні жиналған қаражат сомасы 24,3 миллион теңгені құрады. Оқырмандар бұл қаражатты небәрі бір күнде жинаған. Блогер «Білімдінің күні жарық» ұранымен балалардың болашағын ойлап, жиналған ақшаға Ұлттық бірыңғай тестілеуден өтетін түлектерге ноутбук алуды жөн көрген.
Басында «су басып жатқан адамдарға ноутбуктің не керегі бар? Балалар далада қалай ноутбукпен сабақ оқиды?» - деп айтқан жандар да болған. «Десе де, оларға айтарым – таяз ойламауымыз керек. Бұл – балалардың болашағына жасалып жатқан қадам», - дейді Дәулет Төлеутайұлы.
Нәтижесінде жиналған қаржыға 160 ноутбук алынып, оқушыларға және сынып жеткешілеріне табысталды. Жалпы 154 бала: төтенше жағдай кезінде үйі суға кеткен және суға кету қаупі басым болған 4 мектептен – 43, 15 тұл жетім, 4 ата-анасының қамқорлығынсыз қалған бала, 10 жартылай жетім, 58 көпбалалы отбасы, 28 аз қамтылған отбасынан шыққан балаларға және оқушылардың 6-сынып жетекшісіне берілді.
«Білім беру басқармасынан түлектердің толық тізімін алып, оқушыларға ноутбуктерді алдық. Қазақ ең алдымен білімді, баспаналы және жеке бизнесті болсын. Біз таңдаған бағыт – білім. Білімге салынған инвестиция – ең керек құндылық»,- дейді өз сөзінде Дәулет.
Бүгінгі өткен салтанатты рәсімде оқушылар мен ұстаздарға ноутбукпен қатар Дәулет Төлеутайұлының құнды ақпаратқа толы «Бизнеске бағыт» кітабы да табысталды.
