|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы облысы бойынша Қаржылық мониторинг агенттігі (ҚМА) Қарасай аудандық Мәслихатының бұрынғы депутатына қатысты аса ірі көлемде алаяқтық және қылмыстық кірістерді заңдастыру фактілері бойынша тергеу жүргізіп жатыр, - деп хабарлайды Dauletten.kz.
Тергеу мәліметінше, күдікті мемлекеттен субсидия алу үшін Алматы облысының ауыл шаруашылығы басқармасына “Награда” түріндегі таңқурай көшеттерін сатып алу туралы жалған құжаттар тапсырған. Бұл құжаттар негізінде жалпы сомасы 947 миллион теңге болатын өтінім беріліп, нәтижесінде күдікті көрсетілген соманың 50 пайызы, яғни 474 миллион теңге көлемінде заңсыз субсидия алған.
Қаражатты заңдастыру үшін ол 21 жеке кәсіпкермен көшеттерді орау, тиеу, түсіру жұмыстарына қатысты жалған келісімшарттар жасасқан. Алайда, іс жүзінде бұл жұмыстар орындалмаған. Осы жалған құжаттар негізінде 431 миллион теңге қолма-қол ақшаға айналдырылған.
Бұдан бөлек, ұрланған қаражатты заңды айналымға тарту мақсатында күдікті жұбайының атынан бағалы қағаздармен операциялар жүргізіп, қосымша 89 миллион теңге қылмыстық табыс тапқан.
Тергеу барысында күдіктінің қылмыстық жолмен тапқан табысына Алматы қаласынан екі бөлмелі пәтер және “Toyota Highlander” автокөлігін сатып алғаны анықталды. Қазіргі уақытта бұл мүлікке, сондай-ақ 50 миллион теңге көлеміндегі ақшалай қаражат пен 91 миллион теңгенің бағалы қағаздарына тыйым салынды.
Сонымен қатар, мемлекеттен жымқырылған 170 миллион теңге Қонаев қаласындағы казиноға жұмсалғаны белгілі болды. Соттың санкциясымен күдікті екі айға қамауға алынды.
Қылмыстық іс жүргізу кодексінің 201-бабына сәйкес, тергеу мүддесіне байланысты өзге ақпарат жария етілмейді.
