|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мүгедектігі бар адамдардың заңды құқықтарын қамтамасыз ету үшін Жамбыл облысында 852 әлеуметтік инфрақұрылым нысаны бейімделді, - деп хабарлайды Dauletten.kz.
Қазіргі кезде елімізде Қазақстан Республикасында мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі 2025 жылға дейінгі ұлттық жоспар, «Аманат» партиясының 2023-2027 жылдардағы жол картасы және Мемлекет басшысының тапсырмасы бойынша әзірленген «Халықпен бірге» жобасы іске асырылуда.
2024 жылдың соңына дейін Жамбыл облысы бойынша 562 нысанды бейімдеу жоспарланған, өңірде жоспар артығымен орындалып, 852 нысанда бейімдеу жұмыстары жүргізілді.
- Мен Тараз қаласында тұрамын және күн сайын әртүрлі әлеуметтік маңызы бар мекемелерге – дүкендерге, дәріханаларға, ауруханаларға бару қажеттілігін сезінемін. Әрине, мен үшін барған кезде объектілердің қолжетімді болуы өте маңызды. Жақында мен балабақшалар да, мектептер де мүгедектігі бар адамдар үшін қолжетімді болғанын байқадым. Көптеген әлеуметтік объектілерге кіру кезінде қадамдар туралы ескертулер бар, көрсеткіштер бар, бұл да өте ыңғайлы. Мүгедектігі бар адамдар үшін әлеуметтік инфрақұрылым объектілеріне кедергісіз қол жеткізу үшін барлық жағдай жасалып жатқаны қуантады, - деді мүгедектігі бар Мөлдір Тәжібекова.
Объектілердің меншік иелеріне профилактикалық бақылау жүргізу кезінде бұзушылықтар алғаш рет анықталған кезде оларды әкімшілік жауапкершілікке тартпастан жою туралы нұсқамалар ғана берілетінін атап өту қажет. Нұсқама белгіленген мерзімде орындалмаған жағдайда айыппұл салынады.
