Жаңалықтар

Оқушылардың жазу сауаттылығын арттыру: мектеп бағдарламасына өзгерістер енгізілуде

16.04.2026

мин

0

231

Сурет: kazgazeta.kz

Қазақстан мектептерінде оқушылардың жазу сауаттылығын арттыру мақсатында мазмұндама, шығарма және диктант сияқты дәстүрлі жазба жұмыстары қайта оқу процесіне енгізілмек, — деп хабарлайды Dauletten.kz. 

Қазақстанның білім беру жүйесінде бірқатар өзгерістер қолға алынуда. Соның ішінде оқушылардың жазу дағдыларын дамытуға бағытталған мазмұндама, шығарма және диктант секілді дәстүрлі тапсырмалар қайтадан оқу бағдарламасына енгізіледі.

Оқу-ағарту министрлігінің мәліметінше, қазіргі уақытта мектеп бағдарламасы жаңартылып жатыр. Жаңашылдық аясында пәндердің мазмұны да қайта қаралуда.

Атап айтқанда, 5–7 сыныптарда «Конституция негіздері» пәні оқытылады. 8–9 сыныптар үшін «Заң және тәртіп» курсы енгізілмек. Ал жоғары сыныптарда «Құқық негіздері» пәні міндетті түрде оқытылатын болады.

Сонымен қатар, 8–9 сынып оқушылары «Қазақстан географиясын» аптасына екі сағаттан оқиды.

Министрлік бұл өзгерістер оқушылардың функционалдық сауаттылығын арттырып, білім сапасын күшейтуге ықпал ететінін атап өтті.