|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Павлодар облысындағы Майқайың шахтерлік кентінің тұрғындары жер асты дүмпулерін сезді. Өткен жылдың қаңтар айында бұл жерде ескі шахтаның құлауынан төрт кенші-құтқарушысы бар автобус жер астына түсіп кеткен еді, - деп хабарлайды Dauletten.kz.
Аймақтық ТЖД баспасөз қызметі хабарлағандай, құтқарушыларға хабарлама 9 қаңтар күні сағат 09:55-те түскен.
- Тұрғындар жердің дірілін сезінгенін хабарлады. Оқиғаның мән-жайын анықтау барысында Қазақстанның Ұлттық сейсмология орталығы берген координаттар тексерілді. Белгілі болғандай, бұл геолокация Майқайың ауылынан 15 шақырым жерде, дала аймағында орналасқан. Тексеру барысында ешқандай қирау немесе салдар анықталмады. Сонымен қатар, "Майқайыңзолото" ЖШС-нің жарылыс жұмыстары 8 қаңтарда жүргізілгені анықталды, алайда қауіпсіздік аймағының радиусы мұндай салдарға әкелуі мүмкін емес еді, – деп мәлімдеді ведомствоның баспасөз қызметі.
Баянауыл ауданының әкімдігі де ешқандай қирау анықталмағанын растады. Жердің тербелісін тіркеген сейсмологтар жер сілкінісінің магнитудасы 1 балл болғанын хабарлады. Тербелістер сағат 6:44-те тіркелген.
Сонымен қатар, кент тұрғындары жер асты дүмпулерінің айтарлықтай күшті болғанын айтады.
- Дыбыс өткен жылғы ескі шахтаның құлауына ұқсас болды, сол кезде автобустың воронкаға түсіп кеткені есімізде. Бұл 6:46-да болды, қатты шайқалды, біз шахтада бірдеңе жарылды деп ойладық. Көрші Үшқұлын ауылында да адамдар естіген. Бірақ ең қатты дүмпу бізде болды. Таңертең бұл жер сілкінісі болғанын білдік, – дейді олар.
Ескі “Шанхай” шағын ауданындағы тұрғындар жер асты дүмпулерін ең қатты сезген, себебі ол алтын өндіретін кенішке жақын орналасқан.
Еске сала кетейік, Павлодар облысында соңғы жер сілкінісі өткен жылдың қыркүйегінде тіркелген болатын. Сейсмологтардың мәліметінше, оның магнитудасы 3,4-ті құрады. Жер асты дүмпулерінің эпицентрі Павлодардан солтүстік-батысқа қарай 167 шақырым және Ертіс ауылынан солтүстік-шығысқа қарай 39 шақырым жерде орналасқан. Дегенмен, сол кезде Павлодар облыстық ТЖД-ға жер сілкінісі туралы ақпарат түспеген.
Ашық дереккөздерге сәйкес, Павлодар облысында соңғы 100 жылдағы ең күшті жер сілкінісі 2022 жылдың қазан айында тіркелген. Оның магнитудасы 4,8-ді құрады. Ол Павлодардан оңтүстікке қарай 95 шақырым жерде болған.
