|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қасым-Жомарт Тоқаев ауылды дамытуға арналған негізгі міндеттерді атап өтіп, инфрақұрылымды жаңғырту мен бизнесті қолдауға басымдық берілуі керектігін айтты, - деп хабарлайды Dauletten.kz.
Президент ауылдық аймақтарды жан-жақты дамыту үшін мемлекеттік қолдау шараларын бір бағдарламаға біріктірудің маңыздылығын айтты, мысалы, "Ауыл аманаты", "Ауыл – ел бесігі" сияқты бағдарламаларды атап өтті.
– Үкімет пен әкімдерден жаңа, жүйелі әрі тың тәсілдер күтемін. Жалпы, ауыл шаруашылығында шешілмеген мәселелер аз емес. Фермерлер, сарапшылар түрлі түйткілдер туралы жазып жатыр. Мысалы, бордақылау орындары малсыз, жартылай бос тұр, себебі, мал көрші елдерге төмен бағамен сатылып жатыр. Ауылдағы ағайынның тұрмыс сапасына ықпал ететін барлық мәселеге баса мән беру қажет, - деді Тоқаев.
Сонымен қатар ауыл тұрғындарының тұрмыс сапасын жақсартуға назар аударып, барлық мәселелерге ерекше мән беру қажеттігін атап өтті.
– Ауыл халқы қаржылық және мемлекеттік қызметтерден қол үзіп қалмауы керек. Қазір бұл міндет, негізінен, "Қазпошта" арқылы орындалып жатыр. Үкіметке әкімдіктермен бірлесіп, пошта бөлімшелерінің шалғай елді мекендерде үздіксіз жұмыс істеуін қамтамасыз етуді тапсырамын, - деді Президент.
