|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"ҚазАвтоЖол" ҰК" Қарағанды – Балқаш жолының құрылысы қашан аяқталатынын айтты, - деп хабарлайды Dauletten.kz.
Қазіргі уақытта 363 шақырымдық күрежолдың толық асфальт төселген. Оның 260 шақырымы төрт жолақпен пайдалануға берілді. Қалған бөлігіне қоршау мен жол белгілері орнатылып жатыр. Сонымен қатар өңірде басқа да республикалық және облыстық жолдар жөнделіп жатыр.
Қарағанды – Балқаш жолының құрылысы – Мемлекет басшысының тапсырмасы бойынша жүзеге асып жатқан маңызды инвестициялық жоба. Бұл жол Орталық-Оңтүстік транзиттік дәлізі ретінде көлік қатынасын жақсартып, ел экономикасының дамуына ықпал етеді.
Қазіргі уақытта жолдың 4 жолақпен ашылған учаскелері біртіндеп пайдалануға беріле бастады. Қарағандыдан Ақшатау кентіне дейін және Бектау Атадан Балқашқа дейінгі 260 шақырым толық іске қосылды. Қалған 103 шақырымға қоршау мен жол белгілері орнатылып жатыр, бұл жұмыстар биылғы жылдың соңына дейін аяқталады.
- Қарағанды – Балқаш бойынша жол жабынын жүргізу толық аяқталған. Оның ішінде 18 демалыс орны бар. Қазіргі кезде мына жол бойындағы қоршауларды орнату жұмыстары жүргізіліп жатыр. Белгілер қойылып жаьыр, жол таңбасы жасалады, - деді "ҚазАвтоЖол" ҰК" АҚ ҚОФ директоры Думан Қалабиев.
