|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2 шілде күні елімізде жеке тұлғалардың төленбеген салықтары бойынша өсімпұлдың кешірілуі туралы заңға мемлекет басшысы қол қойды.
Аталмыш құжатта азаматтар үшін өсімпұлды есептен шығару бойынша салық амнистиясын жүргізу туралы норма қарастырылған.
Атап айтсақ, биыл 1 сәуірдегі жағдай бойынша салық төлеушінің жеке шотында есепте тұрған мүлік, жер және көлік салықтары бойынша өсімұлдар кешіріледі.
"Өсімпұлды есептен шығарудың басты шарты – салық бойынша негізгі борыштың төленуі. Салықтың негізгі берешегі төленген жағдайда, өсімпұлы кешіріледі. Бұған 2019 жылғы мүлік салығы мен жер салығы бойынша міндеттемелер негізге алынбайды. Оларды 2020 жылдың 1 қазанына дейінгі мерзімде төлеу керек", - деп мәлімдеді хабарламада.
Салықты кешіру мерзімі – 2020 жылдың 31 желтоқсанына дейін.
Елімізде мемлекеттік кірістер органдарының барлық аумақтық бөлімшесінде өсімпұлды кешіру бойынша арнайы комиссия құрылады.
Азаматтарға өсімпұлды есептен шығару үшін ешқайда барудың қажеті жоқ. Негізгі борышты төлесе, жеткілікті. Өсімпұл автоматты түрде кешіріледі.
Тағы көру
