Жаңалықтар

Қазақ қызы АҚШ Сенаты бекіткен жоғары мәртебелі қызметке тағайындалды

20.05.2026

мин

0

107

АҚШ Сенаты тегі қазақ дипломат Әсел Робертстің Словениядағы елші қызметіне кандидатурасын ресми түрде мақұлдады, — де пхабарлайды Dauletten.kz.

Әсел Робертс Америка Құрама Штаттарының Словениядағы жаңа елшісі болып тағайындалды. Оның кандидатурасын АҚШ Сенаты көпшілік дауыспен қолдап, ресми түрде бекітті.

Сенаттағы дауыс беру барысында 46 сенатор кандидатураны қолдаса, 43 сенатор қарсы дауыс берген. Әсел Робертсті бұл қызметке Дональд Трамп ұсынған. Наурыз айында ол Сенаттың профильдік комитетінде арнайы әңгімелесуден өткен болатын.

Болашақ дипломат Жамбыл облысында дүниеге келген. Балалық шағы Алматыда өтіп, мектепті кейін Америка Құрама Штаттарында тәмамдаған. Жоғары білімді Джорджтаун университетінің халықаралық қатынастар факультетінде алған.

Студент кезінде Ақ үйде тағылымдамадан өткен Әсел кейін АҚШ мемлекеттік қызмет жүйесінде еңбек жолын бастады. Ол Барак Обама әкімшілігі тұсында Ақ үйде қызмет атқарып, кейін Джо Байден кезеңінде де мансабын жалғастырды.

Әр жылдары америкалық мемлекеттік протокол саласында түрлі жоғары лауазымдарды иеленген. 2021 жылы АҚШ мемлекеттік протокол қызметінің басшысы міндетін уақытша атқарушы қызметін атқарған.