|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан Сыртқы істер министрлігі Қазақстан азаматтарын Ливаннан эвакуациялады. Бейруттен Астана мен Алматыға 41 адам оралды, - деп хабарлайды Dauletten.kz.
- Таяу Шығыстағы жағдайдың шиеленісуіне байланысты Президент Қасым-Жомарт Тоқаевтың тапсырмасымен және Қазақстанның тиісті мемлекеттік органдарының қолдауымен Ливаннан Қазақстан азаматтары мен олардың отбасы мүшелері эвакуацияланды, – деп хабарлады СІМ.
Операция Стамбул мен Дубай арқылы жүзеге асырылып, 2024 жылғы 17-31 қазан аралығында Бейруттен Астана мен Алматыға 41 адам аман-есен оралды.
Министрлік атап өткендей, эвакуация соғыс қимылдары аймағында қалған Қазақстан Республикасы азаматтарының құқықтары мен мүдделерін қорғау мақсатында жүргізілді.
Айта кетейік, бұған дейін Ливанда 139 Қазақстан азаматы, оның ішінде дипломаттар мен олардың отбасы мүшелері консулдық есепке алынғаны хабарланған болатын.
