Жаңалықтар

Қазақстан экономикасы 400 млрд долларға жуықтайды

28.10.2026

мин

0

57

Сурет: Ақорда

Мемлекет басшысы еліміздің макроэкономикалық даму координаттары мен алдағы жылдарға арналған қаржылық жоспарын таныстырды. Биыл Қазақстанның жалпы ішкі өнімі рекордтық көрсеткішке жетіп, әлемдік рейтингте көш бастап келе жатқан 50 елдің қатарындағы орнын одан әрі нығайтты, — деп хабарлайды Dauletten.kz Ақордаға сілтеме жасап.

Қазақстан экономикасы тұрақты өсім көрсетіп, негізгі көрсеткіштер бойынша оң серпінге ие болып отыр. Мемлекет басшысы хабарлағандай, биыл еліміздің Жалпы ішкі өнімі (ЖІӨ) 400 миллиард долларға жуықтап, жан басына шаққандағы көрсеткіш 19 мың доллардан асты.  

Осы табыстардың арқасында Қазақстан экономика көлемі жағынан әлемдік рейтингте 47-орынға көтерілді.  

Негізгі макроэкономикалық көрсеткіштер:

 Шикізаттық емес сектордың өсімі: Өңдеу өнеркәсібінің жалпы ішкі өнімдегі үлесі сапалы түрде артып, 14%-дан асты.  

 Қаржылық резервтер: Елдің қаржылық тұрақтылығының негізгі кепілі саналатын Алтын-валюта резерві мен Ұлттық фонд активтерінің жиынтығы 130 миллиард доллардан асып жығылды.

Алдағы қаржыландыру және инфрақұрылымдық жоспар:

Экономикалық өсімнің игілігін халыққа жеткізу және өңірлерді жаңғырту үшін ауқымды қаржы бөлу көзделіп отыр:

1. Инфрақұрылымды жаңарту: 2029 жылдың соңына дейін елдің инфрақұрылымын түбегейлі жаңғырту мақсатында Ұлттық қордан шамамен 6,5 триллион теңге бағытталады.

2. Әлеуметтік қолдау: Биылдан бастап 2027 жылдың алғашқы екі айына дейінгі аралықта маңызды әлеуметтік жобаларды іске қосу мен жүзеге асыруға 1,5 триллион теңге қарастырылуы тиіс.

Президент атап өткендей, бұл ресурстар мен резервтер елдің тұрақты экономикалық дамуын қамтамасыз етуге және халықтың әлеуметтік жағдайын арттыруға тікелей жұмсалатын болады.