Қазақстан мен БАӘ ақшаны жылыстатуға қарсы күресте бірікті
28.10.2024
1 мин
0
65
Сурет: gov.kz
Қазақстан мен БАӘ ақшаны жылыстатуға қарсы күресте бірікті. Қаржы мониторингі агенттігінде Араб Әмірліктерінен кірістерді жылыстатуға және терроризмді қаржыландыруға қарсы іс-қимыл жөніндегі атқарушы кеңсенің делегациясы кездесті, - деп хабарлайды Dauletten.kz.
Оны ұйымның Бас директоры Хамид Әл Зааби басқарды. Сондай-ақ, елдер терроризмді қаржыландыруға қарсы күресте ынтымақтастықты нығайтуда. Кездесу барысында тараптар қылмыстық кірістерді жылыстатуға қарсы күрес саласындағы ынтымақтастықты талқылады. Кездесуге қатысушылар ұлттық тәуекелдерді бағалау процестерін цифрландыру және виртуалды активтерді заңсыз пайдалануды анықтау әдістері туралы пікір алмасты. Сондай-ақ, Тараптар есірткінің заңсыз айналымы, кәсіптік жылыстату және заңсыз шығарылған капиталды қайтару мәселелерін талқылады.
