|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Орталық коммуникациялар қызметінде өткен баспасөз конференциясында ҚР Ғылым және жоғары білім вице-министрі Гүлзат Көбенова елдегі жоғары оқу орындарында жасанды интеллектке (ЖИ) арналған курстардың барлық студенттер үшін міндетті пәнге айналғанын мәлімдеді, - деп хабарлайды Dauletten.kz.
Вице-министрдің айтуынша, AI-Sana бағдарламасы студенттерге заманауи технологияларды меңгеріп қана қоймай, білімді қоғам мен болашақ экономикасы үшін құнды жобаларға айналдыруға мүмкіндік береді. Әрбір студент өз саласында жасанды интеллектті қолдануды үйреніп, жаңа технологиялар жасап немесе стартап жобаларын іске асыра алады.
- Бағдарлама бірнеше кезеңнен тұрады: базалық оқыту, тереңдетілген дайындық, жобаларды әзірлеу және акселерация. Қазіргі таңда ЖИ негіздері бойынша 390 мыңнан астам студент оқудан өтті, ал 3 мыңнан астам оқытушы арнайы сертификатқа ие болды, – деді Гүлзат Көбенова.
Ресми мәліметке сәйкес, бүгінде 93 жоғары оқу орны өз оқу бағдарламаларын бейімдесе, 20 университет 25 жаңа білім беру бағытын ашқан. Бұл бастама Қазақстанда жасанды интеллект мамандарын жаппай даярлауды көздейді.
- Аталған қадамдар қазақстандық білім беру жүйесін нығайтып, үздік халықаралық тәжірибелерді енгізуге, сондай-ақ шетелдік студенттер санын арттыруға жол ашады, – деп атап өтті вице-министр.
Еске сала кетсек, AI-Sana жобасы жоғары білім беру жүйесінде жасанды интеллектті оқытуды кешенді түрде енгізуге бағытталған.
