Қазақстанда 2024–2030 жылдарға арналған мұнай-газ химиясын дамыту жөніндегі Жол картасы әзірленді
14.10.2024
1 мин
0
87
Сурет: Энергетиа министрлігі
Энергетика министрлігі "2024–2030 жылдарға арналған мұнай-газ химиясын дамыту жөніндегі Жол картасын" әзірледі, оған шикізатпен қамтамасыз етуден бастап түпкі өнім шығаруға дейінгі іс-шаралар кіреді, - деп хабарлайды Dauletten.kz.
Жол картасының мақсаты – мұнай-газ химиясы саласын дамыту және осы саладағы жобаларды іске асыруға жәрдемдесу.
Жол картасының аясында келесідей шаралар көзделеді:
2023 жылғы 357,8 мың тоннадан 2030 жылға қарай 1,8 млн тоннаға дейін мұнай-газ химия өнімдерінің өндіріс көлемін ұлғайту;
мұнай-газ химиясы саласында іске асырылатын және жаңа жобаларды қажетті шикізатпен қамтамасыз ету;
14,7 млрд АҚШ доллары көлемінде инвестиция тарту арқылы алты жобаны іске асыру, шамамен 3,5 мың тұрақты және 16 мың уақытша жұмыс орнын құру;
мұнай-газ химиясы жобалары үшін «НИНТ» АЭА аумағында қажетті инфрақұрылымды салу;
мұнай-газ химиясы саласының өнімдеріне өткізу нарықтарын қамтамасыз ету және ішкі тұтынуды ынталандыру;
саланың дамуына жағдай жасау үшін ғылыми базаны, адами капиталды жетілдіру, сондай-ақ тиісті нормативтік-құқықтық және техникалық құжаттарды қабылдау.
Жол картасы Қазақстан Республикасы Үкіметімен бекітілді.
