|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Халыққа мемлекеттен әртүрлі әлеуметтік көмек түрлері 2002 жылдан бастап көрсетіліп келеді. Оның ішінде балаларға бағытталған әлеуметтік көмектің қандай түрлері барын анықтап көрейік.
Бүгінде елімізде 170 мыңнан аса отбасына әлеуметтік көмек көрсетіліп отыр. Оның ішіндегі 65% – балаларға тиесілі үлес. Жалпылай алғанда, мемлекеттің жағдайы төмен көп балалы отбасыларға арналған әлеуметтік сипаттағы жәрдемақыларының саны онға жуықтайды. Биыл бюджеттен 830 млрд теңге көлеміндегі ақша осы жәрдемақыларға бөлінді. Ал мемлекеттен әлеуметтік көмек алатындар 2018 жылмен салыстырғанда 11 есе артты.
Сондай-ақ балаларға бағытталған көмек ретінде Білім және ғылым министрлігінің аз қамтылған отбасыларға көрсететін қолдауын атап өтуге болады. Оған оқушыларға берілетін киімдер, тамақ, тегін үйірмелер және ақшалай көмек жатады.
Негізінен аз қамтылған отбасы балаларына берілетін әлеуметтік көмектің мынадай түрлері бар:
Биыл жыл басында қашықтан оқытуға министрлік тарапынан аз қамтылған отбасыларға 500 мың компьютер берілді.
Еңбек және халықты әлеуметтік қорғау вице-министрі Ерлан Аукеновтың айтуынша, мемлекет 2020 жылдың 1 қаңтарынан көп балалы отбасылардың табыс көлемін ескермей төленетін арнайы жәрдемақы тағайындаған. Аталған жәрдемақы мөлшері 40 мың теңгеден басталып, әр балаға орта есеппен 10 мың теңге көлемінде беріледі. Бүгінде осы қолдауға ай сайын 380 мың отбасы иеленіп отыр. Вице-министр осы бағытта мемлекеттен 191,6 млрд теңге қаражат жұмсалғанын айтты.
Сонымен қатар, Ерлан Әукенов 2021 жылдан мүгедек балаларға берілетін әлеуметтік төлемнің артуына байланысты мәселеге де тоқталып өтті. Оның пікірінше, жеңіл топқа жататын және ауыр топтағы мүгедек балаларға төлемді бірдей мөлшерде тағайындамай, топтарға бөліп қарастыру керек.
Қазақстанда жыл сайын 400 мың нәресте дүниеге келеді. Бюджеттен бала тууға, бір жасқа дейінгі баланы күтуге, жүктілік пен босануға арналған жәрдемақы мен әлеуметтік төлемдерге биыл 271 млрд теңге бағытталған. Ал саны 234 мыңға жуықтаған алты не одан да көп баласы бар аналар жәрдемақысына жыл сайын 47,5 млрд бөлінеді.
Жансая ҚАМБАР
Тағы көру
